ភ្នំពេញ៖ ឯកឧត្តម ហ៊ុន ម៉ានី រដ្ឋមន្ត្រីក្រសួងមុខងារសាធារណៈ នៅយប់ថ្ងៃទី២៣ ខែកញ្ញា ឆ្នាំ២០២៣នេះ បានបង្ហោះសារដែលមានខ្លឹមសារទាំងស្រុងដូច្នេះថា «សូមកុំចោលកិច្ចការសង្គម» នៅក្នុងពិធីជួបជុំ សមាជិក សមាជិកា ស.ស.យ.ក. តាមបណ្តាវិស័យ និងរចនាសម្ព័ន្ធចំណុះ ស.ស.យ.ក. រាជធានីភ្នំពេញ ក្រៅពីការបង្ហាញនូវក្តីនឹករឭកគ្នា ខ្ញុំក៏បានចែករំលែកនូវទស្សនៈមួយចំនួនដល់ ក្រុមគ្រួសារ ស.ស.យ.ក. ដែលមានវត្តមាននៅទីនោះប្រមាណ ៤០០ នាក់ អំពីការចូលរួមកិច្ចការសង្គម។ ការចូលរួមកិច្ចការសង្គម មិនថាក្នុងក្របខ័ណ្ឌ ស.ស.យ.ក. ឬក្របខ័ណ្ឌណាទេ គឺវាបានផ្តល់នូវភាពគម្រូដល់អ្នកដទៃ ជាពិសេសអ្នកជំនាន់ក្រោយឱ្យចាប់អារម្មណ៍ និងរៀនសូត្រតាមទង្វើរបស់យើង។ យើងធ្វើនេះ ដើម្បីផ្លាស់ប្តូរជាលក្ខណៈវិជ្ជមាននូវផ្នត់គំនិតរបស់សង្គម។ យើងត្រូវមានបេះដូងសម្រាប់សង្គមជាតិ ទោះតិចក្តីច្រើនក្តី។ នោះហើយជាស្មារតីរបស់ ស.ស.យ.ក.។»
ប្រភព៖ បណ្តាញសង្គមផេកហ្វេសប៊ុក ឯកឧត្តម ហ៊ុន ម៉ានី
