ខេត្តកំពង់ស្ពឺ ៖ នាព្រឹកថ្ងៃទី០៤ ខែឧសភា ឆ្នាំ២០២៥ ស្ថិតនៅសាលាឃុំអមលាំង ស្រុកថ្ពង ខេត្តកំពង់ស្ពឺ បានធ្វើពិធីប្រកាស ប្រធានក្រុមការងារគណបក្សប្រជាជនកម្ពុជា ចុះជួយមូលដ្ឋានឃុំអមលាំង និងបញ្ចូលសមាជិកបក្សថ្មីចំនួន ៤៧នាក់ ក្រោមអធិបតីភាព ឯកឧត្តម សុខ ប៊ន ប្រធានក្រុមការងារថ្នាក់ខេត្ត ចុះជួយស្រុកថ្ពង និងលោក ម៉េង ស្រ៊ុន ជាប្រធានក្រុមការងារ គណបក្សប្រជាជនកម្ពុជា ចុះជួយមូលដ្ឋានឃុំអមលាំង ដោយមានការអញ្ជើញចូលរួមពី លោក លោកស្រី អនុប្រធានក្រុមការងារគណបក្សប្រជាជនកម្ពុជាចុះជួយមូលដ្ឋាន ប្រធាន/អនុប្រធានភូមិទាំង១៧ រួមជាមួយនិងសមាជិក សមាជិការចំនួន ៣៨០នាក់ ចូលរួមផងដែរ ។
ដោយបាននាំយកនូវសម្ភារៈ និងថវិកាមួយចំនួនជូនដល់សមាជិក សមាជិការរួមមាន ក្នុងសមាជិកម្នាក់ៗទទួលបានថវិកា១ម៉ឺនរៀល, ក្រម៉ា០១, សម្រាប់មេភូមិ/អនុភូមិចំនួន១៩នាក់ក្នុងម្នាក់ទទួលបាន ថវិកា៤ម៉ឺនរៀល, ប្រជាការពារចំនួន២៣នាក់, មណ្ឌលចំនួន០៣នាក់, ប៉ុស្ត៍ចំនួន០៣នាក់ ក្នុងទទួលបានក្រម៉ា០១ថវិកាចំនួន០១ម៉ឺន, តាអាចារ្យចំនួន០៥នាក់ ក្នងម្នាក់ៗទទួលបាន៤ម៉ឺនរៀល សរុបថវិកាអស់ ១៣,៥៣១,០០០រៀល ។
ស្ថិតក្នុងអង្គពិធីនោះដែរ ឯកឧត្តម សុខ ប៊ន ប្រធានក្រុមការងារចុះជួយស្រុកថ្ពង បានលើកឡើងថា ក្រុមការងារចុះជួយឃុំអមលាំងពិតជាក្រុមការងារដែលធ្លាប់ចុះជួយឃុំ-សង្កាត់ជាច្រើនមកហើយ និងមានបទពិសោធន៍ការងារច្រើន ធ្វើឲ្យថ្នាក់លើទទួលស្គាល់ហើយថ្ងៃនេះ ត្រូវបានផ្លាស់ប្តូរចុះបំពេញបេសកម្មរបស់គណបក្សប្រជាជនក្នុងមូលដ្ឋានឃុំអមលាំងយើង ជាងនេះទៅទៀតក្រុមការងារ និងពង្រឹងនៅគោលនយោបាយភូមិ-ឃុំមានសុវត្ថិភាព និងទទួលយកមតិពីសមាជិក សមាជិការបស់គណបក្ស ដើម្បីដោះស្រាយរាល់បញ្ហារួមគ្នា ឯកឧត្តមបានបន្តទៀតថា ការប្រកាសប្រធានក្រុមការងារចុះជួយឃុំអមលាំងនាថ្ងៃនេះ គណបក្សប្រជាជនបានទទួលសមាជិកថ្មី ចំនួន ៤៧នាក់ ក្នុងនោះស្រីចំនួន ៣២នាក់ សុទ្ធសឹងតែ ជាយុវជនជំនាន់ថ្មី ដែលត្រូវបន្តវេនរបស់គណបក្ស ហើយក៏ជាការចូលរួមដើម្បីយកបទពិសោធន៍ថ្មីៗល្អជាច្រើនពីលោកប្រធានក្រុមការងារ ។ បច្ចុប្បន្នក្នុងនាមជាសមាជិក ទៅថ្ងៃអនាគត់ និងក្លាយទៅជាមនុស្ស ក្នុងបេសកម្មឃោសនានយោបាយរបស់គណបក្សប្រជាជនដ៏សំខាន់ផងដែរ ។
ឆ្លៀតក្នុងឱកាសនោះដែរ លោក ម៉េង ស្រ៊ុន ដែលជាប្រធានក្រុមការងារចុះមូលដ្ឋានឃុំអមលាំង ក៏បានប្តេជ្ញាចិត្តថា ក្នុងនាមលោកជាប្រធានក្រុមការងារលោកនឹងផ្សព្វផ្សាយពង្រឹងគោលនយោបាយរបស់គណបក្សឲ្យបានជ្រួតជ្រាប ក្តាប់ឲ្យបាននូវសតិអារម្មណ៍របស់សមាជិក ទទួលយកសំណូមពរ និងណើផ្សេងៗ ដែលសមាជិកកំពុងជួបការលំបាកឲ្យមានភាពប្រសើរឡើងថែមទៀតផងដែរ ៕
