រាជធានីភ្នំពេញ៖ នាថ្ងៃទី១៨ ខែកក្កដា ឆ្នាំ២០២៥នេះ លោកវរសេនីយ៍ឯក ហុង ពិសិដ្ឋ អធិការនៃអធិការដ្ឋាននគរបាលខណ្ឌកំបូល រាជធានីភ្នំពេញ បានចេញលិខិតថ្លែងអំណរគុណចំពោះ ឯកឧត្ដម ភឺន ផល្លា ជំនួយការផ្ទាល់របស់សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាអនុប្រធានក្រុមការងារចលនាកសាងសមាជិកគណបក្សនៅមូលដ្ឋានរាជធានី~ខេត្ត ដែលបានឧបត្ថម្ភសម្ភារៈ និងថវិកាមួយចំនួនដូចខាងក្រោម៖
១-រថយន្តចំនួន ០១គ្រឿង ម៉ាក Nissan Navara ស៊េរីឆ្នាំ២០១៩
២-ម៉ូតូចំនួន ០១គ្រឿង ម៉ាកហុងដា C125 ស៊េរីឆ្នាំ២០២៤
៣-ថវិកាចំនួន ១,០០០,០០០៛(មួយលានរៀល)
ជូនដល់ប៉ុស្តិ៍នគរបាលរដ្ឋបាលភ្លើងឆេះរទេះ នៃអធិការដ្ឋាននគរបាលខណ្ឌកំបូល សម្រាប់ប្រើប្រាស់តាមតម្រូវការក្នុងអង្គភាព។
សូមគោរពជូនពរ ឯកឧត្តម និងលោកជំទាវ ព្រមទាំងក្រុមគ្រួសារជួបតែសេចក្ដីសុខ ជោគជ័យគ្រប់ភារកិច្ច និងប្រកបនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
